ចែរ៉ាំ នាំទំនិញគ្រប់ប្រភេទ តាមច្រកទ្វេភាគីបាក់ដៃ លោកសម ម៉ាឡាយ៉ា ឲ្យអ្នកកាសែត ទៅសួរ លោកម៉ែន ស៊ីថា

 

ខេត្តតាកែវ៖ យោងតាមប្រភពពីក្រុមឈ្មួញ និងមន្រ្តីមួយតូចតាចចំនួន នៅច្រកទ្វេភាគីបាក់ដៃ ស្ថិតក្នុងស្រុកអង្គរបូរី ខេត្តតាកែវ បានឱ្យដឹងថា មេឈ្មួញដុះស្លែឈ្មោះចែ រ៉ាំ សព្វថ្ងៃនេះ បាននិងកំពុងតែធ្វើសកម្មភាព ដឹកទំនិញគ្រប់ប្រភេទ ដូចជាកម្រាលព្រំ, សម្បកកង់,ម៉ូតូ និងជាពិសេស ទំនិញប្លាស្ទីក ជាដើម នាំចូល តាមច្រកទ្វេរភាគីបាក់ដៃ(ផ្លូវទឹក) តាមទូករទៅជារៀងរាល់ថ្ងៃ បន្តយកទៅដាក់ក្នុងឃ្លាំង ខាងជើងវត្តគំនូរ ស្ថិតនៅក្នុងភូមិកំពង់ពោធិ៍ ឃុំព្រែកផ្ទោល ទល់មុខសាលាស្រុកអង្គរបូរី ខេត្តតាកែវ។ 

ប្រភពដខាងលើ បានឱ្យដឹងបន្តទៀតថា? ជាទូទៅ នៅពេលយប់ចែរ៉ាំ  បានឱ្យរថយន្ត សាំយ៉ុងង ចេញចូលដឹកទំនិញ ទាំងនោះដោយដឹកបន្តកន្ទុយ  យកទៅចូលក្នុងឃ្លាំង នៅក្នុងរាជធានីភ្នំពេញ ដើម្បីចែកចាយ បន្តនៅលើទីផ្សារក្នុងប្រទេសកម្ពុជា  ដោយរលូនមិនរំខាងដល់មន្ត្រីពាក់ពន្ធ័សោះឡើយ។ប្រភពដដែល បានខ្សឹបប្រាប់អ្នកកាសែតអោយដឹងទៀតថា រាល់ទំនិញឆ្លងដែន គ្មានមន្រ្តីជំនាញ ប្រចាំការនៅតំបន់ខាងលើនេះចូលរួមត្រួតពិនិត្យ រាល់មុខទំនិញទាំងនោះ ជាទំនិញគេចពន្ធ ឬទំនិញគ្មានច្បាប់ ។

គេមិនដឹងថាចែ រ៉ាំ មានខ្សែរបណ្តាញ ឬបក្សពួកនៅពីក្រោយខ្នងធំប៉ុណ្ណានោះទេ?ទើបបានជាចែរ៉ាំ នាំទំនិញឆ្លងដែន ពីប្រទេសវៀតណាម មកបន្តចែកចាយនៅក្នុងប្រទេសកម្ពុជា តាមច្រកទ្វេភាគីបាក់ដៃ បានដោយរលូន បានដោយអំពើចិត្ត ដោយមិនមានការត្រួតពិនិត្យ ឲ្យបានហ្មត់ចត់ ពីអាជ្ញាធរនិងសមត្ថកិច្ចពាក់ព័ន្ធដែលឈរជើងប្រចាំការនៅច្រកទ្វេភាគីបាក់ដៃ។ ប្រភពខាងលើបានបន្ថែមទៀតថា មិនដឹងថាចែ រ៉ាំ សែនព្រេន ឬដាក់ដង្វាយប៉ុន្មាននោះទេ? ក្នុងមួយខែមួយខែៗ ដល់អាជ្ញាធរនិងសមត្ថកិច្ចពាក់ព័ន្ធ ដែលឈរជើងប្រចាំការ នៅច្រកទ្វេភាគីបាតដៃ ទើបចែ រ៉ាំ នាំចូលទំនិញ ពីប្រទេសវៀតណាម បានដោយរលូន និងមិនមានការរំខាន ពីអស់លោកអាជ្ញាធរនិងសមត្ថកិច្ចពាក់ព័ន្ធ។

ប្រភពខាងលើ បានសំណូមពរ ដល់លោកគុណ ញឹម អគ្គនាយកអគ្គនាយកដ្ឋានគយ និងរដ្ឋាករកម្ពុជា ជាពិសេសលោកឱមយិនទៀង ប្រធានអង្គភាពប្រឆាំងអំពើពុករលួយ  មិនគួរមើលរំលងចំពោះករណីខាងលើនេះនោះទេ? សូមអស់លោកគួរ ចាត់តាំងឱ្យមន្ត្រីជំនាញ ពាក់ព័ន្ធ ចុះមកបើកការស៉ើបអង្កេត ឲ្យបានស៊ីជម្រៅ ជាទីបំផុត តើករណីចែ រ៉ាំ នាំចូលទំនិញ គ្រប់ប្រភេទមកពីប្រទេសវៀតណាម ឆ្លងដែនតាមច្រកទ្វារភាគី បាក់ដៃ ចែ រ៉ាំ បានបង់ពន្ធជូនរដ្ឋ គ្រប់ចំនួនដែរឬទេ។

ពាក់ពន្ធ័និងករណីខាងលើនេះ លោកសម ម៉ាឡាយ៉ា ប្រធាន ច្រកទ្វាទ្វេភាគីបាក់ដៃ បានឲ្យអ្នកកាសែត ទៅសួរ លោកម៉ែន ស៊ីថា ប្រធាការិយាល័យគយ និងរដ្ឋាករច្រកទ្វាទ្វេភាគីបាក់ដៃ។ដោយឡែក លោកម៉ែន ស៊ីថា និងចែរ៉ាំ បណ្តាញសារព័ត៌មានយើងខ្ញុំមិនអាចសុំការទំនាក់ទំនងរំអិតបាននោះទេ? ដោយសារមិនមានលេខទូរស័ព្ទ ដើម្បីធ្វើការទំនាក់ទំនង។ ទោះបីជាយ៉ាងណាបណ្ដាញសារព័ត៌មានយើងខ្ញុំនឹងរង់ចាំការបកស្រាយបំភ្លឺលំអិតពីភាគីពាក់ព័ន្ធ គ្រប់២៤ម៉ោងលើ២៤ ម៉ោង។