៖ -ស្នើសុំបើកការស៊ើបអង្កេតទៅលើលោកឧត្តមសេនីយ៍ត្រី សាក់ សារ៉ាង មេបញ្ជាការ នៃបញ្ជាការដ្ឋានកងរាជ អាវុធហត្ថខេត្តក្រចេះដែលមានការទំនាក់ទំងជាមួយមេឈ្មួញឈើដ៏ល្បីឈ្មោះម្នាក់ឈ្មោះហាចស្ថិតនៅឃុំហាន ជ័យ ស្រុកឆ្លូង ខេត្តក្រចេះក្នុងការចរាចរផលអនុផលព្រៃឈើខុសច្បាប់ និងឈានឆ្ពោះទៅមានវិធានការណ៍តាម ផ្លូវច្បាប់។
សេចក្ដីដូចមានចែងក្នុងកម្មវត្ថុខាងលើ ខ្ញុំបាទ តាន់ គឹមសួរ ជាប្រធានសមាគមយុវជនស្រលាញ់ធម្មជាតិ សូម ការអនុញ្ញាតគោរពជម្រាបជូន កិត្តិនីតិកោសលបណ្ឌិត មេត្តាជ្រាបថាៈ ពួកយើងគឺជាយុវជនដែលស្រលាញ់ និងតែងតែបង្ហាញ ការខ្វាយខ្វល់ចំពោះសម្បត្តិធនធានធម្មជាតិ ជាពិសេសផ្ដោតខ្លាំងទៅលើសម្បត្តិធនធានធម្មជាតិនៅតំបន់ដែនជម្រកសត្វព្រៃភ្នំ ឱរ៉ាល់ ខេត្តកំពង់ស្ពឺ ខេត្តកំពង់ឆ្នាំង និងខេត្តពោធិ៍សាត់។ កន្លងមក ពួកយើងបានចូលរួមយ៉ាងសកម្មជាមួយរាជរដ្ឋាភិបាល ជា ពិសេសក្រសួងបរិស្ថានក្នុងសកម្មភាពដាំស្តារព្រៃឈើឡើងវិញ និងទប់ស្កាត់ការកាប់បំផ្លាញព្រៃឈើបន្ត។
ដោយហេតុថា នៅថ្ងៃ ទី១៣ ខែឧសភា ឆ្នាំ២០២៥ ក្រុមការងាររបស់សមាគមយើងខ្ញុំបានចុះទៅស៊ើបអង្កេតនូវទីតាំងមួយកន្លែងដែលស្ថិតនៅ ឃុំ ហានជ័យ ស្រុកឆ្លូង ខេត្តក្រចេះ ស្រាប់តែប្រទះឃើញមានការលួចលាក់ស្តុកឈើខុសច្បាប់ជាច្រើនរបស់មេឈ្មួញឈើដុះស្នឹម ល្បីឈ្មោះម្នាក់ឈ្មោះហាច។ ក្រោយពីធ្វើការសាកសួរអំពីករណីលួចលាក់ស្តុកទុកឈើទាំងនោះមក ឈ្មោះហាចបានលើកឡើង ចំៗថានេះគឺជាឈើដែលរបស់លោកឧត្តមសេនីយ៍ត្រី សាក់ សារ៉ាង មេបញ្ជាការ នៃបញ្ជាការដ្ឋានកងរាជអាវុធហត្ថខេត្តក្រចេះ បានឲ្យគេរៀបចំជូន(មានវីដេអូជាភ័ស្តុតាង) មួយសន្ទុះក្រោយមកលោកឧត្ដមសេនីយ៍ត្រី សាក់ សារ៉ាងក៏បានធ្វើការទំនាក់ទំង មកក្រុមការងារយើងដើម្បីធ្វើការអន្តរាគមន៍ផងដែរ(ថតបានសំឡេងអន្តរាគមន៍)។
ក្រោយពីក្រុមការងារសមាគមយើងខ្ញុំបាន ពិភាក្សាគ្នាមក គឺអាចសន្និដ្ឋានបានថា វាពិតជាមានរឿងមិនប្រក្រតីខ្លាំងណាស់ដែលលោកឧត្តមសេនីយ៍ត្រី សាក់ សារ៉ាង ម បញ្ញាការ នៃបញ្ជាការដ្ឋានកងរាជអាវុធហត្ថខេត្តក្រចេះដែលមានសមត្ថកិច្ចបង្ក្រាបបទល្មើសធនធានធម្មជាតិ បែរជាមានការ ទំនាក់ទំនងយ៉ាងស្អិតរមួយជាមួយឈ្មួញឈើដុះស្នាមដ៏ល្បីឈ្មោះប្រចាំខេត្តក្រចេះទៅវិញ មិនត្រឹមតែប៉ុណ្ណោះថែមទាំងមានការ សហការគ្នាជាមួយឈ្មួញឈើខាងលើក្នុងការចរាចរផលអនុផលព្រៃឈើខុសច្បាប់ទៅទៀត។
អាស្រ័យហេតុដូចបានគោរពជម្រាបជូនខាងលើ សូមគោរព កិត្តិនីតិកោសលបណ្ឌិត មេត្តាជ្រាប និងផ្តល់ការអន្តរាគមន៍ បន្ថែមដើម្បីធ្វើយ៉ាងណាបង្ក្រាបឲ្យបាននូវឧក្រិដ្ឋកម្មព្រៃឈើដ៏ធំមួយនេះ និងឈានឆ្ពោះទៅដល់ការមានចំណាត់ការទៅមន្ត្រី ជាប់ពាក់ព័ន្ធទាំងអស់ដោយក្តីអនុគ្រោះ។ សូម កិត្តិនីតិកោសលបណ្ឌិត មេត្តាទទួលនូវសេចក្តីគោរពដ៏ស្មោះពីខ្ញុំបាទ។ ទាក់ទិននិងករណីខាងលើនេះ នៅថ្ងៃទី២៧ខែវិច្ឆិកាឆ្នាំ២០២៥នេះ លោកតាន់ គឹមសួរ បានបញ្ជាក់នៅលើបណ្តាញហ្វេសប៊ុកផ្ទាល់ខ្លួនថា? ខ្ញុំបានដាក់ពាក្យបណ្ដឹងទៅកាន់អង្គភាពប្រឆាំងអំពើពុករលួយ (ACU) យូរហើយអំពីករណីអន្តរាគមន៍បទល្មើសធនធានធម្មជាតិរបស់លោកឧត្ដមសេនីយ៍ត្រី សាក់ សារាំង មេបញ្ជាការកងរាជអាវុធហត្ថខេត្តក្រចេះ ភ្ជាប់ជាមួយទាំងភ័ស្តុតាង តែអង្គភាពប្រឆាំងអំពើពុករលួយនៅមិនទាន់មានការឆ្លើយតបនៅឡើយ។
No comments:
Post a Comment