ឃាត់ខ្លួនមន្ត្រីនគរបាល នៃអធិការដ្ឋានស្រុកបាទីម្នាក់ ត្រឹមមួយដង្ហើមចង្រិត រួចក៏ដោះលែង ឲ្យមានសេរីភាពឡើងវិញ ករណីគ្រឿងញៀន

 

ខេត្តតាកែវ៖ ពិតជាមិនធម្មតាមែន នៅក្នុងទឹកដីខេត្តតាកែវ ដោយមួយរយៈនេះ មន្ត្រីនគរបាល បានជួបរឿងអាស្រូវច្រើនក្នុងការបំពេញភារកិច្ចការងាររបស់ខ្លួន ដូចជាករណីមន្ត្រីប៉ុស្តិ៍រដ្ឋបាលស្លា នៃអធិការស្រុកសំរោង ខេត្តតាកែវ ការពីថ្ងៃទី 9 ខែសីហាឆ្នាំ 2025 បានសហការជាមួយនគរបាលស្រុកសំរោងខេត្តតាកែវ ដេញបង្ក្រាបករណីក្មេងសង្ស័យ ក្នុងរូបភាពមិនច្បាស់លាស់មួយ បណ្ដាលឲ្យយុវជនរងគ្រោះម្នាក់ ស្លាប់យ៉ាងអនោចអធម៍។ ដោយឡែកនៅពេលនេះ ក៍មានផ្ទុះរឿងអាស្រូវមួយករណីទៀត ដោយប្រភពព័ត៌មាន បានបញ្ជាក់ថាមានមន្ត្រីនគរបាលនៃអធិការស្រុកបាទី ខេត្តតាកែវ ឃាត់ខ្លួនបានមួយដង្ហើមចង្រិត ក៍បានដោះលែងឲ្យមានសេរីភាពឡើងវិញពាក់ព័ន្ធនឹងករណីគ្រឿងញៀន។

លោកមាន វុត្ថា នាយប៉ុស្ត៍នគរបាល ឃុំចំបក់ នៃអធិការដ្ឋានស្រុកបាទី ខេត្តតាកែវ បានអោយដឹងថា កាលពីថ្ងៃទី០៧ខែសីហាឆ្នាំ២០២៥ វេលាម៉ោង៩ព្រឹក កំលាំងរបស់លោកមាន វុត្ថា បានបង្ក្រាបមនុស្សជនសង្ស័យ ចំនួន៣នាក់ នៅក្នុងផ្ទះសំណាក់យីហោ១៦៨ ជាប់និងស្ពានលង់ធន់ ផ្លូវជាតិលេខ២ រួមទាំងវត្ថុតាងរួមមានម៉ូតូ២ ថ្នាំគ្រឿងញៀន១កញ្ចប់។ លោកនាយប៉ុស្ត៍បានអោយដឹងទៀតថា ក្រោយការឃាត់ខ្លូនជនសង្ស័យចំនួន៣នាក់ខាងលើ ក្នុងនោះក៏មានមន្ត្រីប៉ូលីសនៅអធិការដ្ឋានស្រុកបាទី ម្នាក់ផងដែល ឈ្មោះអូន ណារ៉ាក់ ក្រោយពីឃាត់ខ្លូនជនសង្ស័យ ទាំង៣នាក់ខាងលើនេះ លោកនាយប៉ុស្ត៍ បានបញ្ជូនជនសង្ស័ទាំង៣នាក់ រួមទាំងវត្ថុតាងទៅអធិកាស្រុកបាទី ដើម្បីបន្តនីតិវិធី។

 ពាក់ពន្ធ័ និងករណីខាងលើនេះ លោកហួត សៅគុណ អធិការងទទួលបន្ទុកគ្រឿងញៀនស្រុកបាទី បានអោយដឹងថា លោកពិតជាបានទទួលជនសង្ស័យទាំង៣នាក់ខាងលើពិតប្រាកដមែន តែមិនបានទទួលរបាយការណ៍ពី ប៉ុស្ត៍រដ្ឋបាលឃុំចំប៉ក់នោះទេ។លោកហួត សៅគុណ បានអោយដឹងទៀតថា លោកទទួលបានបទញ្ជារផ្ទាល់ ពីលោកម៉ែនលី ស្នងការខេត្តតាកែវ ដើម្បីកសាងសំណុំរឿងបញ្ជូនបន្ត  ប៉ុន្តែរឿងផ្សេងទៀត ឬរឿងដោះលែងជនសង្ស័យឈ្មោះអូន ណារ៉ាក់ លោកមិនដឹងទេ។  

ចំណែកលោកចុលចេក ស្នងការងខេត្តតាកែវ ទទួលផែនបង្ក្រាបគ្រឿងញៀន ក្រោយពីទទួលទូរសព្ទ័របស់អ្នកកាសែត ពាក់ព័ន្ធនិងករណីខាងលើនេះ លោកស្តាប់តែមិនឆ្លើយរួចក៍ចុចបិទទូរសព្ទ័។ យោងតាមប្រភពច្បាស់ការណ៍ បានអោយដឹងថាជនសង្ស័យឈ្មោះអូន ណារ៉ាក់ ជាមន្ត្រីនគរបាលអន្តោរប្រវេសន៍ប្រចាំអធិការដ្ឋាននគរបាលស្រុកបាទី នឹងជាមនុស្សប្រើប្រាស់គ្រឿងញៀន ហើយការដែលលោកអូន ណារ៉ាក់ មានសេរីភាពឡើងវិញ គឺដោយសារមានអ្នកសម្របសម្រួល។ ពាក់ព័ន្ធនឹងករណីគ្រឿងញៀនខាងលើនេះ មហាជននៅក្នុងស្រុកបាទី ខេត្តតាកែវ រង់ចាំមើលចំណាត់ការ របស់លោកម៉ែនលីស្នងការខេត្តតាកែវ និងមានចំណាត់ការ បែបណាទៅលើមន្ត្រីនគរបាលស្រុកបាទី ឈ្មោះអូន ណារ៉ាក់ពាក់ព័ន្ធនឹងករណីគ្រឿងញៀនខាងលើនេះដែលកំពុងតែកក្រើកព័ត៌មាននៅក្នុងស្រុកបាទីខេត្តតាកែវ។